ЭРҮҮЛ МЭНД НИЙГМИЙН БОДЛОГЫН ХҮРЭЭЛЭН НҮТББ

Эрүүл Мэнд, Нийгмийн Бодлогын Хүрээлэн (ЭМНБХ) нь бодлогын бичиг баримтууд боловсруулах, мэргэшсэн багаар төсөл хөтөлбөрүүдийн хяналт, судалгаа, үнэлгээг хийх, сургалт сурталчилгаа, ухуулга нөлөөллийн ажлуудыг зохион байгуулдаг хараат бус, бие даасан зөвлөх үйлчилгээний байгууллага юм.

Бид дараах салбар болон чиглэлүүдэд зөвлөх үйлчилгээг үзүүлж байна.Үүнд:

• Эрүүл мэнд
• Сүрьеэтэй тэмцэх Олон Нийтээр Удирдуулсан Хяналтын Төслийг хэрэгжүүлэх
• Байгаль орчин -Хог хаягдлын менежмент
• Боловсрол, соёл
• Нийгэм, эдийн засаг
• Уул уурхайн засаглал иргэдийн оролцоо
• Байгууллагын засаглал

Бид мэргэжлийн зөвлөх үйлчилгээг албан бусаар 2012 оноос эхлэн дээрх салбар, чиглэлүүдэд үзүүлж эхэлсэн бөгөөд үндсэн 10 ажилтан гэрээт 5-10 зөвлөхтэйгээр үйл ажиллагаагаа явуулж байна. 2015 оноос өнөөг хүртэл Улаанбаатар хотын Захирагчийн ажлын албатай хамтран ажиллах гэрээ байгуулж, Улаанбаатар хотын хог хаягдлын менежмент, бодлогын хэрэгжилтэнд хөндлөнгийн мониторинг үнэлгээг хийж, Улаанбаатар хотын Захирагчийн ажлын албыг мэдээ мэдээллээр хангах, хог хаягдлын үйлчилгээ нийлүүлэгч байгууллагуудад хэрэгцээт мэргэжил арга зүйн дэмжлэг туслалцааг үзүүлэх, хог хаягдлын менежментийн бодлого хөтөлбөрийг хэрэгжүүлэхэд хяналт үнэлгээг хийх ажлыг өргөн цар хүрээнд чанартай гүйцэтгэж байна.

2025 оноос эхэлэн бид Олон Нийтээр Удирдуулсан Хяналт (ОНУХ) төслийг дөрвөн салбартайгаар эхлүүлж амжилттай явуулж байна.

Мөн Улаанбаатар хотын нийтийн эзэмшлийн гудамж, зам талбайн цэвэрлэгээ, тохижилт, айл өрх,  аж ахуй нэгжийн хог тээвэрлэлтэнд чанарын болон тоон судалгаа, үнэлгээг хийж, ажил сайжруулах зөвлөмж, арга зүйн дэмжлэгийг хамтран ажиллагч талуудад өгч ажиллаж байна.

Олон улсын санхүүгийн болон техникийн дэмжлэгтэйгээр хэрэгжиж буй төсөл хөтөлбөрүүдэд зөвлөх үйлчилгээг ажлын даалгаварын дагуу хийж гүйцэтгэдэг бөгөөд дэлгэрэнгүй мэдээллийг хэрэгжүүлсэн төсөл хөтөлбөрийн мэдээллийн хэсгээс харна уу.